Халқымыздың «Білекті бірді, білімді мыңды жығады» деген ұлағатты сөзінен білімнің баға жетпес үлкен рухани қару екенін, тек рухани қару ғана емес, сонымен қатар аса зор өндіргіш күш екенін білуіміз тиіс. Білімнің қуатына тең келетін басқа идеялық рухани күш-қуат көзі жоқ екені белгілі. Өйткені білім – тек ғылымның іргетасы ғана емес, сонымен бірге тасы өрге домалаған еңсесі биік елдермен терезесі тең мемлекет болудың күретамыры, ел дамуының алтын қаруы. Білім бар жерде даму, жетілу, кемелдену үрдісі бір сәтке толастамайды. Жалпы жастарды қолдау жағынан мемлекет тарапынан ауқымды жұмыстар атқарылуда.
Еліміздің болашағы білімді жастардың қолында екенін Президент Қасым-Жомарт Тоқаев құнды құжатта тағы да атап өтті.
– Қазіргі жаһандық өзгерістер кезеңінде түлектің білімі еңбек нарығына шыққанға дейін-ақ жеткіліксіз болып қалуы әбден мүмкін. Сондықтан құзырлы министрліктің алдында оқу бағдарламаларын жаңа жағдайға бейімдеу міндеті тұр. Бұл – кезек күттірмейтін шаруа. Елімізде бірнеше оқушы халықаралық пән олимпиадаларының жеңімпаздары мен жүлдегерлері атанды. Ондай дарынды балаларға жан-жақты қолдау көрсету қажет. Біз оларға жоғары оқу орнына түсу үшін конкурстан тыс гранттар береміз. Бір реттік ақшалай сыйақы да төлейміз, – деген еді Мемлекет басшысы.
Бұл қолдау өз кезегінде жастарымызды білім алуға ынталандырып, жетістікке жетуге мол мүмкіндік береді деп батыл сеніммен айта аламыз.
Жас ұрпаққа жақсы білім беру үшін, ұстаздың сапалы болғаны ауадай қажет. Президент өз Жолдауында ұстаздарды да моральдық және материалдық тұрғыдан ынталандыру керектігін атап өтті. Сонымен қатар тұрмысы төмен отбасында өсіп жатқан балаларға орта білім берудің жалпыға міндетті стандарты аясында қолдау көрсетілмек.
Сарыағаш ауданына Қазақстан Республикасының Парламент Мәжілісінің депутаттары Болатбек Нажметдинұлы, Ескендіров Мұқаш Зұлқарнайұлы және Қожасбаев Руслан Сәдуақасұлы іс-сапармен келді.
Кездесуге аудан әкімі Арман Абдуллаев, ҰҚК Шекара қызметі шекаралық бақылау департаменті бастығының бірінші орынбасары полковник Ғани Ағаділов, ҰҚК Шекара қызметі Түркістан облысы бойынша департаменті мен Сарыағаш ауданы бойынша шекара басқармасының басшылық құрамы қатысты.
Қазақстан Республикасының Парламент Мәжілісінің депутаттары аудан әкімі Арман Абдуллаевпен бірге аудан аумағында орналасқан кеден бекеттерінің жұмыс барысын бақылады.
Алдымен, «Жібек жолы» кеден бекетінінің жұмыс барысына куә болған Парламент депуттары,кеден қызметкерлерінің техникалық құралдарымен таныса отырып,кеден қызметкерлері жолаушыларды өткізу барысын баяндап өтті.
Сонымен қатар, «Қапланбек» өткізу бекетін жаңарту жұмыстарымен де танысқан Парламент Мәжілісінің депуттары мердігерлермен кездесті. Құрылыс жұмыстарын мерзімінде аяқтап,тапсыруды ұсынды.
Айта кетсек,2022 жылдың желтоқсан айынан бастап Түркістан облысы бойынша мемлекеттік кірістер департаментінің «Қапланбек» кеден бекетін кайта құру және толық техникалық қамтамасыз ету бойынша құрылыс жұмыстары басталды. Құрылыс жұмыстары 2024 жылдың соңына дейін жоспарлануда.