Бүгін аудан әкімі Арман Абдуллаев Көктерек кентіне арнайы барып, №16 И.В.Панфилов мектебінде жүргізіліп жатқан күрделі жөндеу жұмыстарының жағдайын бақылады.
Жөндеу жұмыстарының барысын бақылау нәтижесінде құрылыс материалдарының стандартқа сай емес екендігі анықталып, аудан басшысы тиісті бөлім басшысына күрделі жөндеу жұмысын созбалаңға салып, құрылысты әлі аяқтамаған мердігер мекемені мерзімінде аяқтамаған жайғдайда құзырлы органдарға беру бойынша тапсырма жүктеді. Содан соң, аудан басшысы Жартытөбе ауылдық округі, Ынтымақ елді мекеніне арнайы барып, №8 С.Айни атындағы жалпы орта мектебінде жүргізіліп жатқан күрделі жөндеу жұмыстарымен танысты.
Айта кетсек, бүгінгі таңда аталған білім беру нысанының ішкі қабырғаларын әрлеу, сырлау жұмыстары және жылу жүйелері жаңартылуда.
-Сіз уәде бердіңіз мен міне тексеруге келіп отырмын. Күрделі жөндеу жұмыстарының барысында орын алған ақаулықтың барлығын қалпына келтіріп, балалардың қауіпсіздігін баса назарға ала отырып 1 қыркүйекке дейін жөндеу жұмыстарын аяқтаңыздар. Жөндеу жұмыстарын өз бақылауыма аламын,-деді аудан әкімі.
Білім беру нысанындағы күрделі жөндеу жұмыстарының жай-жапсарымен танысқан аудан басшысы мердігер мекеме өкіліне Жартытөбе ауылдық округі әкіміне жұмыс барысын күнде баяндап отыруды тапсырды.
Арман Абдуллаев облыстық мәслихат депутаты У.Рахиевпен біргелікте Жылға ауылдық округі, Жылға елді мекенінде салынып жатқан спорт кешенінің құрлысымен танысты. Аудан басшысы мердігер мекеме өкілімен кездесіп, құрылыс жұмыстарының барысын көрді.
Айта кетсек, құрылыс жұмыстарына бюджеттен қаржы бөлініп, бүгінгі таңда мердігер мекеме тарапынан, іргетас (бетон) құю жұмыстары жүргізілуде.
-Спорт нысанының ауыл үшін маңызы зор және оның сапалы салынуы басты шарт. Осындай үлкен жауапкершілікті алып отырсыз ба, құрылысты мерзімінде аяқтап, тұрғындар игілігіне беруді басты мақсат тұтыңыз,-деді аудан басшысы Арман Абдуллаев.
Сонымен қатар, құрылыс жұмыстарының уақытылы жүргізілуін қатаң бақылауда ұстау керектігін ескертіп, тиісті бөлім басшысына осы жұмыстарды үнемі назарда ұстауды тапсырды. Сонымен қатар, Жылға ауылдық округі, Шайхана елді мекеніне арнайы барып, Т.Бокин атындағы бастауыш мектепте жүргізіліп жатқан ағымдағы жөндеу жұмыстарымен танысты.
Қазіргі таңда, білім беру нысанында сарқынды суларға арналған септик қазылып, жылыту жүйесі жаңартылып, ішкі жөндеу жұмыстары жүргізіліп, есік-терезелері ауыстырылған. Жоспарға сәйкес, алдағы уақытта сыртқы әрлеу жұмыстары жүргізіледі.
Жөндеу жұмыстарының барысымен танысып, кейбір олқылықтарды көзі шалған аудан басшысы жауапты бөлім басшысына жаңа оқу жылына дейін жөндей жұмыстарын аяқтау бойынша талап қойды.