Барлық бастауыш сынып оқушылары тегін ыстық тамақпен қамтамасыз етілді. Бұл туралы бүгін Өңірлік коммуникациялар қызметінде өткен брифингте Түркістан облысының білім басқармасы басшысының міндетін уақытша атқарушы Ардақ Садықова айтты.
– Мемлекет басшысының тапсырмасына сәйкес, бүгінгі таңда облыстағы 1-4 сыныпта оқитын 187 832 бала (оның ішінде Қазақстан Республикасы Үкіметінің 2008 жылғы 25 қаңтардағы №64 қаулысында көрсетілген санаттарындағы 31 577 бала ағымдағы жылы бір реттік ыстық тамақпен қамтылған) 1 қыркүйектен бастап тегін ыстық тамақпен қамтамасыз етілді. Бұған дейінгі талдау барысында, 110 асханасы жоқ деп хабарланған мектептердің 83-інде қосымша бөлмелер ажыратылып, ыстық тамақ беруге жағдай жасалып, балалар тамақпен қамтамасыз етілуде, ал қалған 19-ына ыстық тамақ ең жақын маңдағы мектептерде дайындалып, мердігерлер тарапынан тасымалданып, қамтамасыз етілуде.Бұған дейінгі талдау барысында, 110 асханасы жоқ деп хабарланған мектептердің 83-інде қосымша бөлмелер ажыратылып, ыстық тамақ беруге жағдай жасалып, балалар тамақпен қамтамасыз етілуде, ал қалған 19-ына ыстық тамақ ең жақын маңдағы мектептерде дайындалып, мердігерлер тарапынан тасымалданып, қамтамасыз етілуде, — деді Ардақ Мәдіханқызы.
Брифинг барысында Түркістан облысының санитариялық-эпидемиологиялық бақылау департаментінің басшысы Нұрбек Нышанов мектеп асханаларының санитариялық талаптары мен ондағы тағамның қауіпсіздігі жіті бақылауда болатынын жеткізді. Айта кетейік, өңірдегі мектеп асханаларының дайындығын пысықтау үшін санитариялық-эпидемиологиялық бақылау басқармалары өз тараптарынан білім бөлімінің өкілдерімен бірлесіп, тиісті шараларды жүзеге асыруға кіріскен.
Айта кетейік, мектепті ыстық тамақпен қамтамасыз ету туралы баспасөз брифингі Түркістан облысының санитариялық-эпидемиологиялық бақылау департаментімен біріге отырып өткізілді. Журналистер сұрақ қойып, сауалдарына жауап алды.