Созақ ауданы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімінің «Шолаққорған-Су» мемлекеттік коммуналдық кәсіпорын қызметкерлерімен «Сыбайлас жемқорлыққа қарсы күрес» тақырыбында жиын өтті.
Жиын барысында Қазақстан Республикасының 2015 жылғы 18 қарашадағы «Сыбайлас жемқорлыққа қарсы іс-қимыл туралы» №410-V Заңы және Мемлекет басшысының 2022 жылғы 2 ақпандағы жарлығы мен Қазақстан Республикасының 2022-2026 жылдарға арналған сыбайлас жемқорлыққа қарсы саясаты тұжырымдаманың негізгі бағыттары түсіндіріліп, сыбайлас жемқорлықтың алдын алу бойынша бірқатар мәселелерге тоқталды. Кәсіпорын директорының орынбасары Қ.Мырзалиевтың төрағалығымен өткен жиында Сыбайлас жемқолықпен күресу әрбір азаматтың міндеті әрі азаматтық парызы екені түсіндірілді. Сонымен қоса, жиынға қатысушыларға құқық бұзушылықтың алдын алу және жол бермеу жайы кеңінен айтылып, ұжым болып күресуге шақырды.
Жемқорлықпен күрес әрбір саналы азаматтың парызы. Кез келген өркениетті қоғам үшін жемқорлықпен күрес өзекті мәселе болып отыр. Елiмiзде осы мәселеге арнайы қабылданған заңдар да, атқарылып жатқан жұмыстар да баршылық, бiрақ бұл мәселе әлi толық шешiмiн тапқан жоқ.
Мемлекет басшысы Қасым-Жомарт Тоқаев сыбайлас жемқорлыққа қарсы іс-қимыл мәселелері жөнінде өткізген кеңесте: «Сыбайлас жемқорлықпен ымырасыз күресу мемлекеттік саясаттағы негізгі басымдықтың бірі екенін атап өтті. Заң үстемдігін орнатып, нағыз құқықтық мемлекет құру үшін, ең алдымен, жемқорлықтың тамырына балта шабу керек» — деп атап көрсеткен болатын.
Қазақстан Республикасының «Сыбайлас жемқорлыққа қарсы іс-қимыл туралы» Заңына сәйкес сыбайлас жемқорлық тәуекелдерін талдау – сыбайлас жемқорлық құқық бұзушылықтар жасауға ықпал ететін себептер мен жағдайларды анықтау және зерделеу.