Шаһар әкімінің қала аумағындағы санитарлық тазалық жұмыстарын жандандыру жөніндегі тапсырмасына сәйкес Қаратау аудан аумағындағы кезекті тазалық акциясын өтті.
Аталған іс-шара Қаратау ауданы әкімі аппараты және «Жасыл ел» жастар еңбек жасағымен бірге ұйымдастырылды.
Іс-шараның басты мақсаты – тазалық жұмыстарын насихаттау, халық арасында қоқықс тастамау мәдениетін қалыптастыру.
Кезекті тазалық акциясы барысында «Нұрсәт» тұрғын алабындағы үйлер аулалары мен аллея қоқыстан толығымен тазартылды. Іс-шараға 40 ерікті (волонтер) жастар мен аудан әкімі аппараты қызметкерлері, мердігер мекемелер қатысты.
Айта кетейік, «Жасыл ел» жастар еңбек жасағы студенттердің материалдық және әлеуметтік мәселелерін шешу, жастарды еңбекке баулу, жұмысқа деген ынтасын ояту және бос уақыттарын тиімді пайдалану мақсатында құрылған жоба.
Тазалық акциясы арқылы экологиялық жағдайды жақсарту – біздің басты мақсат.
Елімізде экологиялық мәдениетті нығайту және тазалықты сақтау мақсатында ұйымдастырылып жатқан «Таза Қазақстан» республикалық акциясы аясында бүгінде Шымкент қаласында да көптеген ауқымды жұмыс атқарылып жатыр.
Еңбекші ауданында «Таза Қазақстан» акциясы аясында 35-тен астам сенбілік ұйымдастырылып, оған 50-ге жуық мекеме мен ұйымның қызметкері, сондай-ақ 15 мыңға жуық тұрғын қатысқан. Бұл шараларда 80-нен аса арнайы техника жұмылдырылып, 1500-ден астам жасыл желек, ағаш көшеті егілді.
Еңбекші ауданында өткен сенбіліктер шынайы бірлік пен ынтымақтың белгісіне айналды. Табиғатты аялауға арналған бұл бастамаларға білім беру, денсаулық сақтау, мәдениет және кәсіпкерлік саласының өкілдері белсенді түрде атсалысты. Қоғам болып атқарылған бұл іс-шаралар қала тұрғындарының қоршаған ортаға деген жауапкершілігін арттырып, таза әрі жайлы өмір сүруге деген ұмтылысын айқын көрсетіп келеді.
Сенбілік – бұл жай ғана тазалық шарасы емес, қоғамдағы өзара түсіністік пен ортақ мақсатқа жұмылудың айғағы. Мұндай бастамалар қаланың экологиялық жағдайын жақсартумен қатар, тұрғындардың өмір сапасын арттыруға да зор үлес қосып отыр.