Шымкент қаласының әкімі Ғабит Сыздықбеков Қаратау ауданының тұрғындарымен кезекті көшпелі кездесу өткізді. Кездесудің басты мақсаты — халықтың көкейіндегі мәселелерді тыңдау, инфрақұрылымдық жобалар жөнінде ашық ақпарат беру және тұрғындармен тікелей диалог орнату болды.
Кездесуге Тұран, Нұртас, Тассай, Мирас және Шапырашты шағынаудандарының тұрғындары қатысты. Жиын барысында қала әкімі аудан аумағында жүзеге асырылып жатқан ірі жобалар мен алдағы жоспарлар жайында кеңінен айтып өтті.
Тұрғындар тарапынан төмендегідей маңызды мәселелер көтерілді:
-
Инженерлік инфрақұрылымды жүргізу
-
Жол салу және көлік ағынын реттеу
-
Қаңғыбас жануарларды аулау
-
Көшелерге атау беру
-
Қоғамдық тәртіпті сақтау
-
Қосымша мектеп пен аурухана салу
-
Лифттерді жаңарту
-
Ұялы байланыс сапасын жақсарту
Әкім бұл ұсыныстардың барлығы назарға алынатынын және тиісті басқармаларға нақты тапсырмалар берілетінін жеткізді.
Қала басшысы өз сөзінде бірқатар инфрақұрылымдық жобалар жөнінде мәлімет берді:
-
Алтынсарин көшесін Тұран шағынауданымен қосу жобасы іске асырылып жатыр. Бұл әкімшілік-іскерлік орталық пен жаңа тұрғын массивтерді байланыстыруда маңызды рөл атқарады.
-
Ақсүмбе көшесін қосу арқылы Тассай мен Тұран арасындағы тікелей көлік қатынасы қамтамасыз етілмек.
-
Соңғы екі жылда Қаратау ауданында:
-
241 шақырымнан астам жол төселді
-
602 көше жарықтандырылды
-
-
Тұран-1 шағынауданында демеушілік есебінен 29 көпқабатты үйге ұзындығы 4 шақырымға жуық жылу трассасы тартылды.
-
Табиғи газбен қамтамасыз ету:
-
Ынтымақ-2, Бозарық, Тассай тұрғын алаптары қосылды
-
-
Мәдениет саласы:
-
Өтеміс шағынауданында жаңа Мәдениет үйі ашылды
-
Қала әкімі Шымкенттің барлық ауданында халықтың өмір сүру сапасын арттыруға бағытталған жұмыстар жүйелі түрде жалғасын табатынын баса айтты. Әрбір жоба — тұрғындардың күнделікті тұрмысын жеңілдетуге, қолайлы өмір сүру ортасын қалыптастыруға бағытталған.
Қала басшысы Қаратау ауданы әкімдігіне:
-
Халықпен кері байланысты күшейтуді
-
Қабылданып жатқан шешімдер мен шаралар туралы тұрғындарды дер кезінде хабардар етіп отыруды
тапсырды. Бұл ашық әрі тиімді әкімшілік басқару жүйесінің маңызды бөлігі ретінде қарастырылады.