Қазанның соңғы жексенбісі – әлеуметтік сала қызметкерлерінің күні.
Қазан айының соңғы жексенбісі елімізде әлеуметтік сала қызметкерлерінің күні ретінде атап өтіледі. Бұл күн – өмірдегі қиындықтарға тап болған жандарға жанашырлық танытып, қолдау көрсететін мамандардың еңбегін дәріптеуге арналған.
Бүгінде Шымкент қаласында 1 913 әлеуметтік сала қызметкері жұмыс істейді. Оның ішінде:
-
1 688 маман – мүгедектігі бар балалар мен ересектерге, жалғызілікті қарттарға және күнделікті тұрмыста өз-өзіне қызмет көрсете алмайтын азаматтарға көмек көрсетеді;
-
30 қызметкер – отбасылық институтты нығайту және отбасылардың әлеуметтік тұрақтылығын қамтамасыз ету бағытында еңбек етеді;
-
195 маман – халықты жұмыспен қамту және еңбек нарығындағы белсенділікті арттырумен айналысады.
Қалада әлеуметтік қызметтер желісі кеңінен дамыған. Халыққа барлығы:
-
13 арнаулы әлеуметтік қызмет көрсету орталығы,
-
1 санаторлық-курорттық орталық,
-
1 мүгедектігі бар азаматтарға арналған қолдау орталығы,
-
1 отбасын қолдау орталығы,
-
сондай-ақ Еңбек мобильділігі орталығы мен әр аудандағы мансап орталықтары
қызмет көрсетеді.
Арнаулы әлеуметтік қызметтер психоневрологиялық ауытқуы бар, тірек-қимыл аппараты бұзылған балалар мен ересектерге, І-ІІ топтағы өзіне-өзі қызмет көрсете алмайтын азаматтарға және жалғызілікті қарттарға көрсетіледі. Қызметтер стационар, жартылай стационар, үйде қызмет көрсету және уақытша болу форматтарында ұйымдастырылған.
2025 жылдың 1 қазанына дейін Шымкент қаласында 3 236 адам арнаулы әлеуметтік қызметтермен қамтылды. Оның ішінде:
-
стационар жағдайында – 752 адам;
-
жартылай стационарда – 793 адам;
-
уақытша болу орталықтарында – 402 адам;
-
үйде қызмет көрсету бойынша – 1 289 адам көмек алған.
Әлеуметтік сала – адамгершілік пен жанашырлыққа негізделген мәртебелі міндет. Күнделікті еңбегі көзге көрінгенімен, маңыздылығы өлшеусіз мамандардың кәсіби мерекесі – олардың қоғам үшін атқарып отырған еңбегіне деген алғыс пен құрметтің белгісі.